|
|
:: EDIZIÓN BAXO COMANDA [P.O.D.]
:: QUÉ UFRIMOS?  Dar salida a publicazions que por culpa d'a suya tirada chiqueta no son almitidas por una imprenta tradizional. Normalmén, a manera más economica que as asociazions y particulars troban ta fer os suyos impresos ye a fotocopia, sacrificando asinas a calidá d'a publicazión. Lo que nusatros proposamos ye dar a ista mena de publicazions un aspeuto esterior y interior prou cudiau meyán una maquetazión estudeada y sustituyindo o fotocopiau por a imprentazión dichital.Sacar os poblemas deribaus d'a falta de tiempo: nusatros maquetaremos os testos y imprentaremos os exemplars demandaus y lis ne nimbiaremos a o suyo domizilio u seu a trabiés de mensachería. Sólo abrán de trestucar-se de nimbiar-mos por email os testos y imachens nesezarios.Presentazión: O Limaco Edizions lis guaranzia una buena rematadura.Menimizar os costes: Emos achustau quemisió a relazión calidá-pre, de manera que podamos ufrir un buen produto a un pre razonable.Flesibilidá: En O Limaco Edizions semos consziens d'as suyas nesezidaz.:: GUARANZIA Lis nimbiaremos por correu eleutronico tantas galeradas en formato PDF como seigan menister y asperaremos a que mos den a suya aprobazión por escrito ta imprentar as copias encarregadas (será prou con un simple correu eleutronico). As nuestras publicazions cumplen con os requisitos de calidá más desichens y son bisuraus uno por uno antis de nimbiar-lis-ne; manimenos, si i ese bel exemplar tarau, mos lo tornan y li tornaremos o suyo importe. |
En iste lumero emos treballau firme ta que as tres probinzias d'Aragón se sientan representadas y deseyamos que ista seiga a nota abitual en a nuestra publicazión. Por ista enchaquia amanixen articlos de l'Alto Galligo, por Uesca, Tarazona y Moncayo y Zinco Billas (Bal d'Onsella), por Zaragoza, Matarranya, Andorra-Sierra d'Arcos y Gúdar-Eixabalambre, por Teruel. Ambista se define como una rebista aragonesa y Aragón ye muito amplo, anque a bezes el xublidemos.
|
